قصيدة عن سعود

يا سعود لو تدري عن الهم يا صاح

يا سعود هاك العلم لا جاك مرواح
علم(ن) عرفته لا تـدوّر مشـذّه


علم(ن) خذه مني ترى فيه مصلاح
وانتا عرفت إني من رجـال فـذّه


وانتا عرفت ان الهوى ذلّ وجراح
وان العمر لو طال موتـك يجـذه


وان الدهر بلوه ولا فيـه مرتـاح
وان الفكر ذيب(ن) ليا جاع غذه


وان الصبر سلوى وغايه ومربـاح
وان الفرج يمطر على الصبـر رذه


يا سعود لو تدري عن الهم يا صاح
هم(ن) على قلبي مقيم(ن) يقـذه


تلعب همومي بي كما لعب مسباح
واتعب ومنه صار فكـري يعـذه


والقلب لا منه رقا كل ما طـاح
يلقـى بالايـام المقابيـل لـذه


والمعذره لا صرت بالوصْل شحاح
الحزن للمحزون والشـوق بـذه


يا صاحبي ياللي لك القلب يرتاح
ياللي سمعت الشور يا صاح حـذه